– Me håpar å kunna opna i mars. Så det kjem til å gå ganske slag i slag framover.

Det seier dagleg leiar Fredrik Mørch-Johnsen. Chillout er i dag å finna i tre norske byar.

• Følg Byas på Instagram!

Då han sjølv stod bak kassa og jobba i Bergen, var det fleire siddisar som ville ha ein lik butikk i ein omtrent like vêrhard by.

No har bønene deira blitt høyrde. Butikken opnar midt i sentrum, i Breigata 4.

Livsstilsbutikk

Historia om begynner med ei masteroppgåve som Mørch-Johnsen skreiv i lag med Jarle Moberg ved NHH. Femten år seinare har lidenskapen deira for tur og reiseliv blitt til snart fem butikkar.

– Me er ein eventyrsbutikk for dei som vil oppleva både nærmiljøet, men òg for dei som vil ut i verda, seier Mørch-Johnsen.

Store delar av sortimentet er turutstyr og tilbehøyr.

– Me har fokus på bra utstyr. Osprey er vel kanskje det største merket vårt. Og så har me ein del frå Patagonia, Icebreaker og fleire.

Potensiale

Stavanger er ein av dei største byane i landet, og gründerane ser ein god marknad her.

– Me ser at det er veldig mange friluftsinteresserte i Stavanger. Me er veldig spende sjølv òg.

Rogaland har unike moglegheiter for surfing som Mørch-Johnsen hintar til at butikken kanskje vil utnytta seg av etter kvart.

No består den siste delen av arbeidet å rekruttera dei siste tilsette, og å setta lokalet i heilt klar stand til opningsdatoen i mars. Med Bergans som opnar i Nygata i februar blir dette butikk nummer seks som leverer turklede- og utstyr i byen.