Det var ein gong ein konge: Nokia 3310 vart fødd til finske foreldre, 1. september 2000.

Nyopplada og ganske kul vart mobiltelefonen sendt ut i verda, og fekk straks ein stor tilhengjarskare.

126 millionar eksemplar vart det laga av evigheitsmaskinen, før marknaden var metta og produksjonen vart stoppa i 2005.

17 år etter den første lanseringa, har kjempa Nokia vakna, og tilsynelatande bestemt seg for å vekkja Nokia 3310 til live!

Det finske, uavhengige selskapet HMD Global Oy har skaffa seg lisens og einerett til Nokia-merkevaren, og ønskjer å ekspandera frå hovudkvarteret sitt i Espoo.

Følg Byas.no på Facebook!

• Få tilgang til gode rabatter og fordeler i Stavanger og Sandnes - helt gratis. Bli med i Byas Kompis!

Opp frå dvalen

Snart lanserer HMD fleire Nokia-telefonar rundt om i verda. Flaggskipet Nokia 6 er ein såkalla smarttelefon basert på Android Nougat.

Likevel er det ryktet som nettstaden Venturebeat vidareformidlar, og som fleire etablerte media har fanga opp, som nok vil interessera flest mobilbrukarar:

Ein litt meir moderne versjon av 3310 skal no ut på marknaden! Som kjend er dette einaste telefonen på jorda som ville overlevd ein atomkrig!

Eller eit sverd:

Pris: Rett over 500-lappen

Vedunderet kjem først til Amerika og Europa, og prisen er forventa å liggja på 59 euro, eller 522 kroner etter torsdagens kurs. Det er rimeleg viss du er keen på ein nostalgitripp.

Journalisten som sleppte nyheita på VentureBeat, heiter Evan Blass, @evleaks på Twitter, og har spesialisert seg på å vera først ute med å lekkja info om nettbrett og smarttelefonar.

Meir info om Nokia 3310 er venta sundag 26. februar, når HMD held lanseringsevent på årets Mobile World Congress, i Barcelona.

Eit vakkert eventyr

Litt fakta om barnet: 11,3 centimeter langt, 4,8 centimeter breitt og 2,2 centimeter tjukt var nurket 3310, då det kom til verda.

Ein populær aktivitet var å skifta deksel, i alskens fargar.

Over den tjukke kroppen, hadde telefonen 15 tastar: ein meny-tast, ein tilbaketast merka med «C» og ein tast for å gå opp eller ned.

Viss ein for eksempel skulle skriva bokstaven «c», måtte ein trykkja 3 gongar på 2-talet, viss ikkje hadde aktivert språksenteret i Nokiaen, og brukte T9-ordboka.

Skjermen hadde 84 pikslar oppover og 84 pikslar bortover. Til samanlikning har Iphone 6S 1334 gongar 750 pikslar.

Nyvinningar som kalkulator, stoppekloke og påminningsfunksjon, var uvanlege i 2000, opplyser Wikipedia, og den maksimale lengda på tekstmeldingar var 3 gongar lenger enn det som var standard.

OBS: Mange vil også hugsa timar bortkasta på Snake 2, spelet der ein slange et pikslar og veks. Etter kvart går spelet fortare, då risikerer slangen å kollidera med seg sjølv og døy :-(

Meir frå Byas: